КТ

Компьютерлік томография — қауіпсіз және ақпараттық диагностикалық әдіс, алайда оны жүргізбес бұрын бірқатар қарсы көрсетілімдерді ескеру маңызды.

• Жүктілік, әсіресе алғашқы триместрде. Иондалған сәулеленудің ұрықтың дамуына әсер етуі мүмкін.

• Контраст затқа аллергия. Контрастпен КТ жасаған кезде йод қосылған препараттарға аллергиялық реакция туындауы мүмкін. Зерттеуге дейін дәрігерге аллергия туралы міндетті түрде хабарлау қажет.

• Бүйрек жеткіліксіздігі (ауыр түрі). Контраст қолданған жағдайда бүйрек функциясының нашарлау қаупі бар.

• Қант диабеті мен бүйрек жеткіліксіздігінің қосарлануы. Арнайы дайындықты талап етеді.

• Клаустрофобия. Бұл зерттеуді жүргізуге кедергі келтіруі мүмкін (мүмкін болса, седация қолданылады).

• Рәсім кезінде қозғалмай жату мүмкін еместігі. Мысалы, қатты ауырсыну немесе неврологиялық бұзылыстар жағдайында.

Контрастпен КТ кезінде:

• Креатинин мен мочевинаға жасалған талдаулардың болуы қажет, мерзімі 10 күннен аспауы тиіс. Талдаулар міндетті түрде қалыпты шекте болуы керек.

• Зерттеуге дейін 4–6 сағат бұрын тамақ ішпеу керек.

• Су ішуге болады (тек газсыз су).

• Метформин қабылдайтын болсаңыз, аллергия, бүйрек аурулары, қант диабеті немесе басқа дәрілерді қабылдау жайында дәрігерге міндетті түрде хабарлаңыз.

Қабылдап жүрген барлық дәрілеріңіз туралы, жуырда бастан өткерген немесе созылмалы аурулар жайлы міндетті түрде дәрігерге хабарлау қажет.

Әйелдер дәрігерге жүктілік мүмкіндігі туралы ескертуі тиіс.

КТ зерттеу қалай жүргізіледі:

• Науқас металл бөлшектері жоқ ыңғайлы киім киеді.

• Қысқаша нұсқаулық өткізіліп, денсаулық жағдайы туралы сауалнама толтырылады.

• Науқас КТ аппаратының үстеліне жатады.

• Үстел томограф сақинасы арқылы баяу қозғалады – рентген сәулесінің көзі дененің айналасында айналады.

• Дәрігердің нұсқауымен қозғалмай жату және кейде тынысты кідірту қажет.

• Зерттеу бірнеше секундтан 10–15 минутқа дейін созылады, бұл тексерілетін аймақтың көлеміне байланысты.

• Қажет болған жағдайда көктамыр арқылы контрастты зат енгізіледі — визуализацияны жақсарту үшін.

• Үстел бастапқы орнына оралады, науқас киімін ауыстыра алады.

• Нәтижелер дәрігерге талдау жасау және қорытынды дайындау үшін беріледі.